Вучні здзейснілі завочнае падарожжа па краіне, у якой нарадзіліся, навучыліся пісаць, чытаць, бачыць, гаварыць.

Кожны народ, у тым ліку і наш, беларускі, ганарыцца сваёй Радзімай і паважае яе сімвалы. Школьнікі гаварылі аб сімвалах Рэспублікі Беларусь: гербе, сцягу, гімне. Адзначылі, што гімн выконваецца толькі стоячы.

Затым “хуткім цягніком” вучні трапілі ў сталіцу нашай краіны – горад-герой Мінск. Паведамленне аб ім было падрыхтавана ў фармаце “Што я раскажу свайму замежнаму сябру пра Мінск”.

Затым падарожнікі вярнуліся ў Брэсцкуюкую вобласць.  Падчас падарожжа па родным краі пазнаёміліся з кнігай “Памяць” Кобрынскага раёна, “прайшлі” па вуліцах, якія носяць назвы герояў Кобрыншчыны, расказалі аб прыгожых мясцінах нашай малой радзімы.